呢排全球資產包括股債幣無一不跌，顯然易見，世界已正式進入「熊市」，唔少創辦人朋友，身家都忽然縮晒水。
以密碼貨幣為例，跟美元掛鈎的穩定幣 TerraUSD（UST），就是其中重災區，價格由本應「一兌一」價位，跌至現時的 0.08 美元，甚有當年金融大鱷狙擊港元的影子。但分別是，當年港府有足夠子彈，擊退索羅斯為首的炒家。
其實唔止幣市，即使是股票或債市，亦出現了一波大跌，無論歸究於短期「割韮菜」抑或長遠加息周期、美聯儲縮表等因素，各類資金都陸續抽走，過去一啲被吹捧的「明星」項目，近日出現地震式崩盤，大幅下跌四至六成，亦不是少數。
未來美國持續收水，市場去槓桿速度過急，喺呢個時候，創新力不足、現金流差以及防禦力弱的項目／產品／企業，會易出問題，或將出現一輪倒閉潮，亦即傳統所謂「汰弱留強」。
至於初創企業，作為組成實體經濟重要成分，當然亦不例外。尤其過去幾年，不管是否 Web3 領域，籌措資金都相對輕易，亦即「燒人地啲錢」。
若創辦人無及早專注研發、做好主業以至現金流，到呢刻融資環境轉差，便會暴露公司的防守力、續航力不足，最壞會出現資金周轉問題。踏入熊市，其實所有人都要調整，其中兩個方面，我認為最急切。
第一是心態問題，不管係投資者，抑或 Startups 創辦人，都要開始審視公司現金流，是否足夠健康，將不必要的運作盡量外判，放下「擴張」包袱，輕裝上路，朝「獲利」目標優先進發。
換句話，就係「一切從簡」的心態：戒貪心，做少啲，但專心，一次做一件事，向 multitask 說不，回歸創業時的「初心」。例如某熱食外賣 Startup，專注返物流同食品、選擇借助 nokia 的專利技術，開發大數據管理系統，唔自己閉門做車、由零開始研發。
第二方面，係裝備自身，積累知識，在下一個「風口」出現前做足準備，包括睇書、擴大人脈以至認識潛在合作伙伴。
基於大環境，近年的創業環境和氣氛，除了少數 Web3 領域，已甚少再強調「顛覆革新」，反而在於「共謀雙贏」。呢款從商嘅新邏輯，要求創辦人長袖善舞，減少不必要菱角。除了產品開發、營銷、投資者關係等，Startup 的一項「新課業」，係如何發掘合適嘅營商伙伴。
例如最近留意到 IPHatch 呢個創業比賽，佢哋提供咗 16 個來自 Nokia、Panasonic 同 CityU 嘅科技專利組合，俾參賽者諗下點將科技專利變成商業應用，仲有機會同大企業合作。重點係比賽由貿發局主辦，只要係香港中小企同初創都可以參加。
我唔係話，只要執行咗獲利優先、現金流至上、甚至發掘咗營商伙伴，就一定會「大步檻過」，但絕對可以走得更遠。識得創辦人朋友，上一趟熊市無死，今輪風口賣咗盤，發達上咗岸，都要先走過一段既唔型又低調嘅路。
尹思哲
