我最近開咗一個 side project，主要係用 AI，例如 ChatGPT、Text to speech 嘅 plugin 呀咁，目的係向新移民同少數族裔，介紹番𠳔哋住嘅城市入面唔同社區嘅文化遺產、古跡，幫佢哋更快了解同融入社區。
問題係，始終好難 reach 到唔同社區嘅本地社群，我有用呢個 project 嘅名義，參與一啲大學 Cowork，但力度似乎唔係好夠，效果欠佳，如果呢度有好似香港果啲 open innovation 創業比賽就好啦，咁就可以為社區帶來效益。
另一個問題係我用嗰啲 AI，即例如 ChatGPT，或者一啲 open source 嘅工具同 plugin ，其實人人都用得，老實講如果咁好彩揾到 business model，到最後都係睇邊個最堅持 keep 住做，或者邊個最有執行力㗎啫。
仲記得我上年有同 IPHatch 呢個創業比賽合作（想了解比賽詳情，可參加 7 月 20 號嘅網上比賽簡介會或者工作坊），介紹過佢哋嘅玩法，係由 MNCs 提供不同科技專利（Tech Patents）比人應用，勝出者真的可以獲得自己 bid 嘅專利，將專利變成公司嘅資源同資產，如果我呢度都有呢類比賽就好啦。
走筆至此，我真係想講，而家嘅創業或者生活方式，同以前李嘉誠嗰代好唔同，以前係考你點樣運用資本「屈機」，或者長䄂善舞咁經營，今時今日係你點樣發揮科技嘅優勢。
呢個會係大趨勢，未來好長一段時間，我相信都係傾向獎勵一啲樂於鑽研同運用科技以製造突破或者癲覆嘅人，例如應用同揾 AI 協作嘅創業者。