曾推出全港、甚至全球首個加密貨幣指數，稱黃愛玲為「加密幣指數之母」絕不為過。
職涯上半場，管理過恒生指數，做過港交所高層，實屬傳統金融圈中環精英。2015 年踏上金融科技之路，創辦 ixFintech，「我地以前做傳統金融產品，而家做新金融嘅產品。」
黃愛玲是山呼海嘯的人物，對比傳統典型精英，行事比較特立獨行，彷佛「金融外星人」，然而就像科幻片裡頭，外星人本領再高，來到「地星」太久，亦未免水土不服而出狀況。
公司 2018 年推出全球首個加密幣指數，由於種種原因，遲遲未能配對投資產品獲利，最近終把心一橫，暫時放棄「香港公司」身份，往海外闖蕩，至少可以獲得一個機會，保住 made in hk 美譽。
「舊金融」到「新金融」
於金融業打滾逾 25 年，黃愛玲早年任國際對沖基金亞洲首席交易員，戰績彪炳，1996 年至 1999 年間就代表摩根士丹利，於亞洲金融風暴期間，曾創一天最高期權單日成交。
她也有指數編制、金融產品設計經驗，2001 至 2003 年間，成為恒生指數有限公司主管，後來也擔任港交所高級副總裁，負責環球市場科洐生產品，參與過港交所的期權大改革。以上 CV，使她躋身昔日香港金融精英行列。
仕而優則創業，2015 年涉足金融科技，進入數碼港生態圈，幾年間推出不少新金融產品，包括手機 App《期權王》、加密幣指數 ixCrypto Index、加密幣錢包 ixWallet 2.0，即將推出跟普洱茶餅「掛勾」的「茶幣 TeaCoin」。
首推指數 3 年卻無產品
其加密幣指數，早於 2018 年底登場，涵蓋累計流通總市值⾸80％加密幣，初心是有效反映市場表現。指數現在透過 Nasdaq 的服務，覆蓋超過 85 個國家的資訊服務商，觸及投資者數以百萬計。
指數的基日是 2018 年 12 月 3 日，基值是 1000，時至今天已經破萬。換言之，若當時就有掛勾的指數投資產品，一直持有至今，回報已逾 10 倍。
在港發展多年，ixFintech 行內獲獎無數，推出正規的投資洐生產品，亦有助投資者降低風險，但就是遲遲未能推出相關的投資產品。
「有朋友都問，點解我地咁耐都無（產品），咁就 not knowing 其實我地係有個承諾，始終係想俾返香港。其實我地一路都等緊，希望可以係香港做到啲金融產品，但係等唔到喎，然後一年又一年，到舊年就開始麻煩。」
2021 年內，Nasdaq 和 S&P 分別推出自家加密幣指數，香港本是世界第一，早領先兩年有多，明明贏在起跑線，作為始作俑者，如何不急？
「而家因為國家嘅方向，或者未係好有信心，因為人民幣有外匯管制，而港紙自由流動，佢驚啲錢走咗出去，我明白咁樣係唔得嘅。」
金融外星人的肺腑之言，基於了解這個地星的與別不同。
「NFT 最好有實質資產」
香港有很多傳統的指數產品，就是沒有加密幣交易產品，因應這「背景」，黃愛玲沒有浪費時間，推出其他合法產品。
例如 ix 錢包 2.0， 十分強調安全性，應用了「量子級數」保安效能到錢包；跟傳統中式普洱茶餅掛勾的茶幣 TeaCoin，亦以 NFT 的方式出現。
「一來因為證監條例唔俾，我地唔想犯法，所以變做 NFT，發行每粒都係獨特、有自己唔同號碼嘅茶幣，可以從茶公司兌換真正的實物茶餅。」
黃愛玲認為，既然靚酒有投資價值，優質茶餅亦具收藏價值，「用嚟招呼客人，亦係一種尊敬嘅待客之道，同時亦宣揚傳統文化，新出嘅（實體茶餅）都要萬幾蚊一餅，而且仲會升值。」
NFT 近期大熱，但很多項目強調「故事」和「社群」，欠缺實質資產支持，她言語間亦有所保留。
「我個人係支持 De-Fi ，因為公正、改唔到，唔可以靜雞雞背後印銀紙；而我有個朋友分享，NFT 真正問題，係未可以透過法律解決，中間出咗紛爭未仲裁得到。」
衝出香港 海外上市
始終看著其他地區，一步步從後趕上，推出各式各樣指數產品，再也不能乾等下去。
「我地目前研究中，看今年有無機會，到外邊上市，咁有人同我地傾緊，everything is smooth；如果上市，呢間 more 會係海外公司，再唔係一間香港公司，which is 原本唔係咁諗，但係冇辦法。」
具體計劃是，未來半年內或先推一隻加密幣指數期貨，跟海外交易所合作。
「好似馬拉松咁，至少係一齊跑住，我唔需要跑第一，但至少見到對手個背脊，保持返我地有個機會！其實香港公司，向來對外都有競爭力、甚至領先。」
外星人要返外太空，聽落幾合理，有無機會再返嚟地星探險？
「我地想幫香港要維持返競爭力，咪走出去囉，有機會再返，但要等，第時再做第二間公司，再做返間香港公司。」
記得她曾引述一句說話，「金融科技是一場香港不可以輸的仗。」期待她以後會戰勝歸來。
採訪、撰文：尹思哲